首页 > 报纸波经 > 东方日报>  正文
2021-02-23 本文来源:足球彩
 列斯联轰炸圣人吼上盘
2021/02/23文:渡边年

班福特列斯联射手

1/2
今晚英超补赛,两支中游球队列斯联同修咸顿齐齐求反弹!列斯联比「修顿」多2分,论攻击力一定係前者较强,列斯联嘅性感踢法,正正克制住修咸顿不稳嘅后防,而且「圣人」作客不济,近3场联赛作客输晒,列斯联小让平半,上盘可取。

(Now 621周三凌晨2时直播)

呢场波正好为准备睇两场欧联16强嘅球迷热热身,凌晨2点开波,踢完就到欧联。佔主场之利嘅列斯联大开大合,踢法够醒神,一定唔会令大家睇到瞓着,领队比尔沙每场波都非常肉紧,前锋班福特亦交足货,佢哋主攻嘅踢法,正正係修咸顿中后场最怕嘅对手。

修咸顿逼抢啱胃口
修咸顿虽然喜用高位逼抢,但列斯联全民走动嘅带波进攻战术,反而更容易令「圣人」防守露出缺口,尤其列斯联转守为攻嘅速度极快,修咸顿中后场只要稍有错误,就好易畀对手攻入心脏地带。

睇番修咸顿对上3场英超作客赛事,分别不敌李斯特城0比2、曼联0比9及纽卡素2比3,高位逼抢踢法未能奏效,每场最少失两球,导致联赛作客3连败,列斯联遇疲军当然唔会放过3分,上盘抵玩。