首页 > 报纸波经 > 东方日报>  正文
2021-02-22 本文来源:足球彩
 伤兵成箩「白水战」追半和
2021/02/22文:渡边年

白礼顿中场 拉尔拉拿

周一英超独脚戏,白礼顿主场斗水晶宫。两军伤兵名单都係水蛇春咁长,堪称难兄难弟,尤其水晶宫欠缺前锋韦费特沙夏,球队完全唔识踢波咁款,白礼顿早前连赢几场之后近排又沉过,今场都係稳稳阵阵算,佢哋近10场主场8场开半场和,再追啱数。(Now 621周二凌晨4时直播)

简单数吓两军伤兵名单,白礼顿有前锋查汉巴克殊、中场荷西伊斯基亚度及苏利马治、后衞兰普堤等肯定缺阵;水晶宫则有射手韦费特沙夏、中场占士麦卡菲及3名后衞舒洛比、马马度沙高、汤坚斯等倦勤,都仲未计长期伤兵,两军领队调兵遣将都显得捉襟见肘。

尤其水晶宫冇咗韦费特沙夏影响最大,呢名科特迪瓦前锋斗纽卡素时受伤休息,球队喺之后两场即连输畀列斯联及般尼,喺佢缺阵嘅20场赛事,水晶宫输咗18场,领队鹤臣今场相信都会屯重兵,希望唔好咁早失波。

半场波胆旺「0:0」
白礼顿早排连赢热刺及利物浦抢够分数,护级压力唔算大,「海鸥」同样受伤患困扰,今场亦唔需要太过急进,事实上,佢哋喺主场作战反而仲谨慎,近10次主场出击8次同对手半场打和,包括6次开半场「0:0」波胆,今仗拣半场和啱数。